
那洛巴大师教言集NARO33ཁུལ་པོ་དར་ཐོད་ཅན་གྱི་ཤོག་རིལ།
1-4-69a

༄༅། །ཁུལ་པོ་དར་ཐོད་ཅན་གྱི་ཤོག་རིལ།
༄༅། །ཁུལ་པོ་དར་ཐོད་ཅན་གྱི་ཤོག་རིལ་
བཞུགས་སོ། །གནོད་སྦྱིན་དར་ཐོད་ཅན་བསྒྲུབ་པ་ནི། ཨུ་པ་ཡ་ཞེས་བྱའོ། །ཤིང་གཅིག་གི་དྲུང་དུ་སྤྱིལ་པོ་ཕུབ་ལ། རང་བདག་མེད་པའི་སྒྲུབ་ཐབས་བཞིན་བསྒོམ། ཧྲིཿནག་མོ་ལས་ལྷ་མོ་ནག་མོར་བསྐྱེད་
བར་བྱའོ། །རང་གི་མདུན་དུ་ཤ་གསར་པའི་གཏོར་མ་བྱ། མདུན་དུ་ཤ་ཆེན་གྱི་དུད་པ་བཏང་། གཏོར་མ་རྗེ་བཙུན་མ་ལ་བཏང་། ཁོ་ལ་མི་བཏང་། ཐུན་བཞིར་བྱས་ན་གཏོར་མ་བཞི་བཤམ། གཏོར་མ་བསྒྲུབ་
སྔགས་ཀྱིས་དབུལ་ཏེ་ཡང་བསྙེན་སྔགས་ལ་རྟགས་མ་བྱུང་གི་བར་དུ་བརྗོད་དོ། །རྟགས་ནི་ལུས་ཚ་ཆི་ལི་འོང་། བུ་ཡུག་ཆེན་པོ་འོང་། རབ་ནི་བྱིས་པ་ཐོད་པ་ཅན་འོང་། རབ་ནི་དངོས་སུ་འོང་། སྔགས་འོག་
མ་བསྒྲུབ་སྔགས་ལ་བརྗོད། གོང་མ་བསྙེན་སྔགས་ཡིན། གཏོར་མ་ཡང་དེས་སྦྱིན། ནེའུ་ལེ་ཇོ་མོ་བདག་མེད་མ་ཡིན། སྤྱིར་ཡང་རྣལ་འབྱོར་མ་ཐམས་ཅད་ཀྱི་ལས་མཁན་ཡིན། དེ་ལ་བསྙེན་པ་བྱ་བར་
འདོད་ན། ཨོཾ་སི་ཏི། ཨོཾ་བཛྲ་བ་ར་ཧི་སྤྲ་མ་ར་ཙ་ཌ་ཏ་ཀ་སྨ་ཤ་ཡ་ཧྲི་ཛཿཞེས་བསྙེན་སྔགས་སོ། །རྟགས་མ་བྱུང་གི་བར་དུ་བཟླས་སོ། །མི་གཙང་བ་ལ་གཟབ། ཨོཾ་བཛྲི་ཛཱི་ཛཱི་པྲ་མ་ར་ཙ་ཀ་མ་པྲ་མད་ཙ་ཙ། ཞེས་
1-4-69b

བརྗོད་དོ། །དོན་གྲུབ་ཀྱི་བར་དུ་བཟླས་སོ། །རྗེ་བཙུན་མའི་བསྒྲུབ་པའོ། །དང་པོ་ཟས། དེ་ནས་ལོངས་སྤྱོད། དེ་ནས་གྲུབ་ཆེན་བརྒྱད། དེ་ནས་མཁའ་ལ་སྤྱོད་པའོ། །ཡང་ལས་བྱེད་དུ་མ་འདོད་ན། བསྙེན་སྔགས་དཀྲུགས་
ལ་བཟླའོ། །ཡང་ན་བསྙེན་པ་བསྐྱར་ན། དམངས་ཕྲིན་ལས་འཐུན་སྦྱོར་གྱི་མན་ངག །བདེ་མཆོག་མ་དང་། བདག་མེད་མ་སྦྱོར། བདག་མེད་མ་དང་གནོད་སྦྱིན་ཨུ་པ་ཡ་སྦྱོར་དེས་ཕྲིན་ལས་མ་ལུས་པ་འགྲུབ་བོ། །
པུ་ལ་ཧ་རིའི་ན་རོ་པ་ལས་བརྙེད་པའོ། །ཤིན་དུ་(ཏུ་)གསང་ངོ་། །ཨྠིྀ།། །།ཐུགས་ཀྱི་ཉིང་ཁུ་འདིའི་བརྒྱུད་པ་ལ། གདམས་པ་ཚིག་གི་རྒྱུད་པ། རྟོགས་པ་བྱིན་བརླབས་ཀྱི་བརྒྱུད་པ་དང་། བཀའ་གཏད་རྗེས་བཟུང་
གི་བརྒྱུད་པ་དང་། གྲུབ་ཐོབ་རྗེའི་བརྒྱུད་པ་དང་བཞི་ལས། ཕྱི་མ་འདི་ལ་གཉིས་ཀ་ཚང་ཞིང་། འདི་ལ་ཡང་རིང་བརྒྱུད་དང་ཉེ་བརྒྱུད་གཉིས་ལས། དང་པོ་རིང་རྒྱུད་ནི། རྒྱལ་བ་རྡོ་རྗེ་འཆང་། གསང་བའི་བདག་པོ་
ཕྱག་ན་རྡོ་རྗེ། རྡོ་རྗེ་རྣལ་འབྱོར་མ། ཏི་ལོ་ཤེས་རབ་བཟང་པོ། མཁས་པ་ན་རོ་པཎ་ཆེན། སྒྲ་བསྒྱུར་མར་པ་ལོཙྪ། འགྲོ་མགོན་ཆོས་ཀྱི་དབང་ཕྱུག །གྲུབ་ཐོབ་མེ་ལོང་རྡོ་རྗེ། དཔལ་རང་བྱུང་རྡོ་རྗེ། སྤྲུལ་
སྐུ་དུས་འཁོར་བ། སྤྲུལ་སྐུ་རོལ་པའི་རྡོ་རྗེ། མཁའ་སྤྱོད་དབང་པོ། མགོན་པོའི་མཚན་ཅན། འཇམ་དབྱངས་མཚན་ཅན། དྲན་ཆོག་བློ་གྲོས་རྒྱལ་མཚན། ལ་ཕྱི་བ་རྣལ་འབྱོར་དབང་ཕྱུག་རིན་ཆེན་
1-4-70a

དཔལ་བ། འབྲུག་བུ་མཁས་གྲུབ་བདེ་ཆེན་དཔལ་འབར་བ། དེས་བདག་ལའོ། །ཉེ་བརྒྱུད་ནི། གངས་ཆེན་མུན་པ་སེལ་བའི་སྒྲོན་མེ། ལྷོ་བྲག་མར་པ་ལོ་ཙྪ་ཞེས་ས་གསུམ་ན་འགྲན་ཟླ་
ཐམས་ཅད་དང་བྲལ་བའི་སྐྱེས་མཆོག་དམ་པ་དེས། བྱམས་པ་བདེ་ཆེན་དཔལ་འབར། མཉམ་མེད་ཤར་ཁ་རས་ཆེན་ནམ། རིན་པོ་ཆེ་འབྲུག་བུ་བ་ལ་སོགས་པ་མཚན་གྱི་རྣམ་གྲངས་དུ་མ་དང་ལྡན་པ་དེ་ཉིད་ལ་བཀའ་
གཏད་རྗེས་བཟུང་གི་སྒོ་ནས་ཡང་དང་ཡང་དུ་གནང་བའོ། །དེས་བདག་སྙོམས་ལས་དང་ལེ་ལོའི་དབང་གྱུར་ཀུན་བདེའི་མིང་ཅན་བདག་ལ་དགྱེས་བཞིན་དུ་གནང་བའོ།། །།ཨྠིྀ། [ཡང་གུ་རུ་ཆོས་ཀྱི་དབང་ཕྱུག །རྒྱལ་
སྲས་པདྨ་དབང་ཆེ། མཚན་ལྡན་ཆོས་ཀྱི་རྒྱལ་མཚན། དྲིན་ཅན་མ་སངས་རྒྱས་རང་གྲོལ། གུ་རུ་ཆོས་ཀྱི་རྡོ་རྗེ། གུ་རུ་དོན་ཡོད་རྒྱལ་མཚན། དྲིན་ཅན་བཅོམ་ལྡན་ནོར་བུ། མཉམ་མེད་ཤར་ཁ་རས་ཆེན། དེས་བདག་ལའོ། །འདི་ལ་བཀའ་བརྒྱུད་ཀུན་ལ་བརྒྱུད་ཚུལ་མང་དུ་ཡོད་དེ་འདིར་
མི་ལང་ངོ་། །འདི་ཉིད་ལ་སྲས་མཁར་མའམ་མཁར་ཁ་མ་ཞེས་གྲངས་ཤིང་། བསྒྲིག་སྟངས་མི་འདྲ་བ་གཞན་མཐོང་ཡང་དོན་གཅིག་ཏུ་སྣང་བས་འདི་ཉིད་འབྲེལ་ཆགས་པས་འདིར་བསྒྲིགས་པའོ།། །།]༄༅། །མ་གཅིག་གྲུབ་པའི་རྒྱལ་མོས་གསུངས་པའི་རྫས་
ཀྱི་ཚེ་སྒྲུབས་(སྒྲུབ་)བཞུགས་སོ། །མ་གཅིག་གྲུབ་པའི་རྒྱལ་མོའི་ཞལ་ནས་བུ་རས་ཆུང་པ། ནད་རྐྱེན་གློ་བུར་ནམ་ཡོང་ཆ་མེད་པས། སེམས་ཅན་རྣམས་ཚེ་ཐུང་བ་ཡིན། དེ་ཡང་ནད་ཆ་(ཆག་)སྒོ་དགག་པ་གཅེས་སོ། །དཔེར་ན་ཁྱིམ་དུ་འགྲོ་བའི་ཚེ། 
1-4-70b

སྒོ་ཕྱེ་བ་དང་འདྲ་བ་བཞིན། ནད་ཐམས་ཅད་འཇུག་པའི་སྒོ་སྣ་བུག་གཉིས་ཡིན། རླུང་རྒྱུ་བ་བྱས་ཏེ། དེ་ནས་ཐམས་ཅད་འཇུག །ལུས་ལ་ན་ཚ་མང་པོ་ཡོང་བ་ནི་ནད། སྣ་བུག་གཉིས་ནས་
འཇུག་པའི་སྣ་སྒོ་རྫས་ཀྱི་(ཀྱིས་)དགག་པ་གལ་ཆེ་བས། དེ་ཡང་རིམས་ནད། ལྷོག་པའམ། དུག་གམ། འདྲེ་གདོན་སོགས་རྐྱེན་གང་གིས་ཀྱང་མི་ཚུགས་པའི་ཐབས་རྫས་བཅུ་བདུན་ལ།
ཛཱ་ཏཱི། ༡ སུག་སྨེལ། ༢ ཀ་ཀོ་ལ། ༣ ཅུ་གང་། ༤ གུར་གུམ། ༥ ལི་ཤི། ༦ མུ་ཟི། ༧ གླ་རྩི། ༨ ག་བུར། ༩ ཤིང་ཀུན། ༡༠ གུ་གུལ། ༡༡ ཤུ་དག །༡༢ རྟ་བོན་པ། ༡༣ སྤུར་
ནག །༡༤ གྷི་ཝང་། ༡༥ བོང་བ་ནག་པོ། ༡༦ སྒོག་པ་གཅིག་སྐྱེས་བཅས་བཅུ་བདུན་འདི་རྣམས་ཆ་སྙོམས་ཞིབ་པར་བཏགས་ལ་མགུལ་དུ་བཅང་ཤིང་(ཞིང་)། ལག་མཐིལ་དུ་དུམ་རེ་དང་ཆུ་ཐིག་(ཐིགས་)རེ་
བསྲེས་ཏེ་ཞག་གསུམ་ནང་རེ་བཞིན། སྣ་བུག་ལ་རེ་བྱུག །དེ་ནད་གདོན་ཐམས་ཅད་ཀྱི་སྒོ་ཁེགས་ཏེ། སྦྱོར་བ་ཚེ་བསྲིངས་བའི་གདམ་པ་འདི། །ཆོས་བྱེད་རྣམས་ཀྱི་སྙན་དུ་
ཕུལ། །སྡིག་ཅན་རྣམས་ལ་གསང་བར་བྱ། །ཚེ་སྒྲུབ་རིམ་པ་མང་ན་ཡང་། །འདི་ལས་ལྷག་པ་ཡོད་རེ་སྐན། །རྫས་འདི་བཅང་བ་ཙམ་གྱིས་ནི། །ལོ་བརྒྱ་མི་ཐུབ་མི་སྲིད་དོ། །འདི་
1-4-71a

ཡི་བརྒྱུད་པ་ནི། རྒྱལ་བ་འོད་དཔག་མེད། མ་གཅིག་གྲུབ་པའི་རྒྱལ་མོ། ཏི་བུ་གསང་སྔགས་སྡོང་པོ། རས་ཆུང་རྡོ་རྗེ་གྲགས་པ། མི་ལ་བཞད་པའི་རྡོ་རྗེ། སྒམ་པོ་
ཟླ་འོད་གཞོན་ནུ། རྡོ་རྗེ་ཕག་མོ་གྲུབ་(གྲུ་)པ། སྐྱོབས་པ་འཇིག་རྟེན་མགོན་པོ། རྗེ་སྤྱན་མངའ་བ། རྒྱལ་བ་ཡང་མགོན་པ། སྤྱན་མངའ་བ། ཟུར་ཕུག་པ་དྲུང་ཐོན་པ་དབུས་སྙོན་པ་ཀུན་བཟང་ཡར་རྒྱབ་
རྟོགས་ལྡན་རྗེ། ལྷ་དབང་རྒྱལ་མཚན། རྗེ་ལྷ་དབང་བཀྲ་ཤིས། ངག་དབང་བློ་གསལ་ནས་རྩ་བའི་བླ་མའི་བར། བདག་ལའོ། །འདི་ལ་ཐེ་ཚོམ་བྱ་མི་དགོས། །སྦྱོར་བ་ལག་དུ་(ཏུ་)བླང་བས་ཤེས།། །།
སརྦ་མངྒ་ལཾ།། །།


目录
ཁུལ་པོ་དར་ཐོད་ཅན་གྱི་ཤོག་རིལ།